Pecanpæ

Þessi uppskrift var í Fréttablaðinu. Er frá Bjarti Loga Finnssyni bakara.

Frábær eftirréttur borinn fram með þeyttum rjóma og kaffi.

Mæli ekki alveg með þessu - var MJÖG einkennilegt. Endaði í ruslinu.

Botn

• 100 g íslenskt smjör
• 180 g hveiti
• 1 eggjarauða
• 1/2 tsk salt
• 15 ml vatn

Allt hnoðað vel saman. Smyrjum 20-22 cm eldfast mót. Fletjum degið út og setjum í mótið, pössum okkur á því að degið nái alveg upp á brún.

Fylling

• 190 g hrásykur (má líka vera venjulegur sykur)
• 220 g síróp
• 3 egg
• 50 g íslenskt smjör
• 125 g suðusúkkulaði
• 150 g pecanhnetur

Hrærum vel saman sykur og smjör. Því næst bætum við sírópinu út í og hrærum síðan eggjunum saman við eitt og eitt í einu svo að blandan skilji sig ekki. Söxum hneturnar og súkkulaðið smátt og setjum saman við og hrærum varlega saman við. Hellum blöndunni yfir botninn.Bakið pæið við 175°C í um það bil 40 mínútur.