Lífræn möndlukaka

Fann þessa girnilegu uppskrift í Fréttablaðinu 9. mars 2007

Botn

• 200 g spelthveiti
• 130 g hrásykur
• 50 g olía
• 3/4 tsk lyftiduft
• 3/4 tsk matarsódi
• 1/2 tsk salt
• Smá vanilla, stöng eða dropar
• 1/2 l lífræn ab mjólk

Karmellubráð

• 75 g grófmalaðar möndlur
• 85 g smjör
• 75 g sykur
• 1/2 lítri rjómi
• Smá vanilla

Ab mjólk, sykur, olía og vanilla hrært saman með písk þar til blandan er orðin jöfn. Þurrefni sett út í og rétt jafnað. Deiginu er hellt í hringlaga form bakað við 175 gráður í um það bil 30 mínútur.

Á meðan beðið er er karmellubráðin búin til. Smjör möndlur, sykur og rjómi og vanilla látið malla saman í víðum potti í nokkrar mínútur, smurt yfir kökuna eftir hálftíma bakstur. Síðan fer kakan aftur í ofninn í 20 mínútur þar til karamellan er orðin gyllt og stökk.