Ungversk gúllassúpa

Áætluð fyrir 6 Undirbúningstími 30 mín. Suðutími 2-3 tímar

• 2 msk smjörlíki
• 2 msk olía
• 4-5 stórir laukar
• 3 tsk paprikuduft
• pipar og salt
• 1/2 tsk sellerísalt
• 750 g nautakjöt
• 1 stór gulrót
• 1 lítil sellerírót
• 6 kartöflur
• 1 rauð paprika
• 2 msk tómatpúrra
• 2 tsk kúmen
• 2 l vatn
• x súputeningar (nauta)

Vatnið soðið með súputeningunum. Kjötið skorið í teninga og það brúnað í smjörinu og olíunni ásamt söxuðum lauk. Paprikuduftinu stráð yfir. Kjötinu blandað í helminginn af vatninu og tómatpúrran sett í hinn helminginn. Grænmetið hreinsað, kartöflurnar og sellerírótin skorin í teninga. Gulrótin í skífur og paprikan í strimla. Þegar kjötið er orðið meirt er grænmetið sett í pottinn með kjötinu. Kúmeni, sellerísalt og pipar stráð yfir og örlítið salt. Helmingnum af tómatblandinu hellt í pottinn. Súpan látin sjóða aðein þar til grænmetið er soðið. Súpan smökkuð til með restinni af tómatblöndunni og pipar. Hún á að vera MJÖG vel krydduð.

Súpan borin fram með heitu brauði og smjöri.