Íslensk kjötsúpa

Í þessa grein vantar eitt eða annað, þú getur hjálpað til með því að bæta hana eða breyta.

• 1,5 kg lambasúpukjöt
• 2 L vatn

1 blaðlaukur, saxaður 250 g gulrætur skornar í bita 50 g hrísgrjón eða hafragrjón (sumir nota hvorttveggja) 1 msk súpujurtir 4-5 msk steinselja, söxuð (má sleppa) salt pipar kartöflur, flysjaðar og skornar í bita 1 stór gulrófa, flysjuð og skorin í bita

Lýsing

Snyrtu kjötið og skerðu e.t.v. burt eitthvað af fitu. Settu það síðan í pott og helltu köldu vatni yfir. Hitaðu rólega að suðu og fleyttu froðu ofan af. Endurtaktu það nokkrum sinnum til að losna við sem mest af sora. Bættu svo blaðlauk, gulrótum og hrísgjrónum eða hafragrjónum í pottinn ásamt súpujurtum og steinselju. Kryddaðu með pipar og salti og láttu malla undir loki í um hálftíma. Bættu þá kartöflunum út í og láttu malla í 10 mín. Settu rófurnar í pottinn og sjóddu súpuna í í um 15 mín. í viðbót, eða þar til kjöt og græmetni er meyrt. Smakkaðu súpuna og bragðbættu hana með pipar og salti ef þarf. Þeir sem vilja súpuna tæra geta sleppt hrísgrjónum eða hafragrjónum.