Bláberjasulta

• 1/2 kg rabarbari (vínrabarbari)
• 1/2 kg bláber
• 800 g sykur (700 g ef menn vilja minna sætt)

Sykur og rabarbari soðið saman í 20 mín. Hræra vel í á meðan, gjarnan með þeytara í lokin. Bláberjum bætt út í, soðið vægt í 15 mín eftir að suða kemur upp. Bæta má í sultuna einni 1 - 2 tsk af melatini (sultuhleypi) ef menn eru hræddir um að sultan hlaupi ekki nægilega (t.d. ef berin eru mjög mikið þroskuð). Fylgið leiðbeiningum á melatínbréfinu.

Ef froða er ofan á sultunni er hún fjarlægð og sultan síðan sett í heitar, hreinar krukkur sem er lokað strax.

Skipta má út bláberjunum fyrir sólber og verður úr því mjög góð sulta.