Gulrótarkaka

• 4 egg
• 150g sykur
• 140g púðursykur
• 1 tsk vanilludropar
• 200g gulrætur
• 240g hveiti
• 2 tsk matarsódi
• 1/2 tsk salt
• 1 msk kanill
• 1 tsk múskat
• 1 poki saxaðar valhnetur
• 2 1/2 dl matarolía

Þeytið saman egg, sykur, púðursykur og vanilludropa í hrærivél þar til blandan verður létt og ljós. Rífið gulrætur og blandið saman við hræruna. Sigtið saman hveiti, matarsóda, salt, kanil og múskat og látið út í ásamt matarolíu og hnetum. Bakið í tveimur smurðum og hveitistráðum formum í 175°C heitum ofni í 30 mínútur.

---

Krem

• 400 g rjómaostur
• 500 g flórsykur (þarf yfirleitt ekki að nota allan pakkann!!)
• Sítrónubörkur, rifinn af einni sítrónu
• Smá sítrónusafi (2-3tsk) eftir smekk

Allt hrært saman í hrærivél þar til kremið er mjúkt en frekar stíft og smurt á kalda kökuna. Kakan skreytt með rifnum gulrótum dýft augnablik í sítrónusafa, valhnetum eða hvoru tveggja.