Enskar múffur
Þessi uppskrift kemur úr súrdeigs grúppu á facebook. Þetta eru súrdeigs brauð bollur, english muffins, brauð sem er borðað er með smjöri og áleggi. Sælar minningar úr eldhúsi systur minnar á Nýja Sjálandi að fá ristað english muffin með smjöri og osti með morgunkaffinu. Þessi uppskrift reyndist vera fullkomnun. Ættu að vera ca 24-30 stykki, eftir hvaða stærð þú vilt hafa. Mínar voru milli 90-100g stykkið
Ath. að eins og með flestar súrdeigs uppskriftir gerir þú degið daginn áður en þú bakar.
- 1,200 g. brauðhveiti (manitoba mjög gott)
- 760 g. mjólk
- 300 g. súrdeigsmamma, fóðruð og virk
- 80 g. hungang eða sykur
- 22 g. Salt
- 3 egg
Uppskriftin segir að blanda öllu saman í stóra skál. Mér finnst betra að fylgja að einhverju leiti leiðbeiningum sem ég fékk um súrdeigsbakstur og setja mömmuna út í vökvann fyrst og hræra vel saman, því næst setja hunang/sykur, egg, hveiti og leyfa því að standa í 30 mínútur áður en saltinu er hnoðað saman við. Þetta deig er hinsvegar fremur þétt/þurrt þannig að það er smá maus svo allt í góðu að henda saltinu í vökvann áður en hveitinu er blandað í.
Deigið látið standa í 2-4 tíma og á 30-60 mínútna fresta þarf að snúa deiginu (stretch and fold - google it).
Deigið sett inn í ísskáp yfir nótt í lokaðri skál.
Daginn eftir er deigið skorið í 90-100 gramma búta og sem eru mótaðir í bolta, má aðeins fletja þá út með hendinni. Látnir standa við stofuhita í ca 2 tíma undir stykki. Ofninn hitaður í 180 gráður. Panna hituð á meðalhita. Hún þarf að ná vel upp hita áður en byrjað er að baka. Múffurnar bakaðar í ca 4 mínútur á hvorri hlið, mikilvægt að hafa lokið á pönnunni svo þær nái að bakast í gegn. Þetta tekur smá tíma en ef þú ert með stóra pönnu geturðu haft 2-3 á í einu. Raða þeim á bökunarplötu og þegar hún er orðin full skella múffunun inn í ofn í ca 4 mínútur til að þær verði fullbakaðar.
