Próteinstykki Naglans

Bökunarfrí prótínstykki - uppskrift fengin í blogginu hennar Röggu Nagla á Pressunni

• 1 bolli haframjöl
• 6 skeiðar súkkulaði mysuprótín, t.d Scitec
• 2 msk hörfræ
• 1 tsk vanilludropar
• 5 msk náttúrulegt hnetusmjör
• 1/2 bolli vatn (kannski meira eftir tegund prótíndufts)

Blanda saman þurrefnum. Bæta við hnetusmjöri og blanda. Bæta við vatni og vanilludropum. Notið sleif sem hefur verið spreyjuð með PAM og blandið alveg saman. Deigið getur verið mjög klístrað og erfitt í hrærun (er það orð?) en þá kemur bíseppinn sterkur inn.

Sett í lítið (8x8) PAM-spreyjað form og sett í kæli eða frysti þar til harðnar. Skera í 9 bita þegar harðnað.

Næringargildi í einum bita

• Hitaeiningar: 197
• Prótein: 21g
• Fita: 7g
• Kolvetni: 13.7g
• Trefjar: 1.6g