Oreo Marengs

Púðursykurmarengs:

• 3 stk eggjahvítur
• 150 g púðursykur
• 80 g sykur

Þeytið eggjahvítur og bætið báðum tegundum af sykri saman við. Þeytið þar til sykur er vel uppleystur og toppar myndast, smyrjið út tvo botna á á pappír (24 cm) og bakið við 150°C í 40 mín. Slökkvið á ofninum en leyfið botnunum að kólna inni í ofninum.

Fylling:

• 1/2 l rjómi
• 4 Oreo-kexkökur (eða fleiri ef vill :)
• Ávextir að vild. Ég notaði jarðarber, vínber og melónu.

Þeytið rjómann og takið ca 1/4 af honum til hliðar og setjið muldar kexkökurnar út í afganginn.

Setjið Oreo-rjómann á milli botnanna og leggið þá saman. Setjið "hreina" rjómann ofan á og raðið niðurskornum ávöxtum þar ofan á.