Vorrúllur
Vorrúllur er máltíð sem gaman er að borða, breytileg eftir smekk hvers og eins og stórt séð býsna holl.
Innihald:
- Hrísgrjóna vorrúllu bréf (rice wrappers)
- Gulrætur
- Sellerí
- Gúrka
- Paprika
- Kjúklingur
- Kál
- Núðlur
- Kóríander
- Basil
- Sæt chilisósa (sweet chili)
- Avocado
- Vatn
Chili majónes sósa:
- Sirasha sósa
- Majónes
Hnetusmjörs sósa:
- 2 msk hnetusmjör
- 2 msk sojasósa
- 1 msk hunang
- 1 msk engifer
- 2 hvítlauksgeirar
Listarnir hér að ofan eru bara til viðmiðunar, í raun má setja hvað sem manni dettur í hug í vorrúllurnar. Góðar sósur eins og þessar að ofan gera mikið fyrir þennan rétt. Skref í framleiðslu:
- Skera gulrætur, sellerí, gúrku, papriku, avocado og annað slíkt í temmilega granna litla stilka (ca 3cm á lengd)
- Skera kjúkling í litla bita og steikja (jafnvel upp úr sweet chili)
- Sjóða núðlur
- Búa til sósur
Svo er allt sett á borðið sitt í hvoru lagi (oft gott að hafa sweet chilli á borðum líka). Til að mýkja hrísgrjóna blöðin er gott að vera með djúpan disk, pönnu eða eldfast mót (stærra en hrísgrjóna blaðið), setja í það sirka 1-2 cm af heitu (nálægt sjóðandi) vatni og dýfa svo blaðinu í svo það sé alveg á kafi. Eftir stutta stund er það orðið mjúkt, þá er bara að vippa því yfir á disk, breiða úr því, raða því sem maður girnist inn í rúlluna og pakka svo rúllunni inn eins og maður mundi gera við tortillu.
Tengdar síður:
