Satay kjúklingasalat

• 1 pk. kúskús með sólþurrrkuðum tómötum
• 4-5 kjúklingabringur
• olía til steikingar
• 2 dósir/krukkur satay-sósa, t.d. frá Thai Choice
• 300 gr. ferskt spínat
• 2 lárperur, skornar í bita
• 1 rauðlaukur, skorinn í sneiðar
• 400 gr. kirsuberjatómatar, skornir í tvennt
• 200 gr. salthnetur
• 1 krukka fetaostur í kryddolíu

Útbúið kúskús samkvæmt leiðbeiningum á pakka. Skerið kjúklingabringur í teninga og steikið á pönnu. Hellið satay-sósu saman við og látið krauma í nokkrar mínútur. Setjið spínat í botninn á eldföstu móti og smyrjið kúskúsi ofan á það. Hellið síðan kjúklingnum ásamt sósunni yfir spínatið og kúskúsið. Dreifið lárperu, rauðlauk, kirsuberjatómötum, hnetum og fetaosti yfir. Réttinn má bera fram heitan eða kaldan.