Súkkulaðidöðlukaka með karamellusósu

Botn

• 250 gr. döðlur
• 3 dl. vatn
• 1 tsk matarsódi
• 130 gr. Púðursykur
• 100 gr smjör
• 2 egg
• 150 gr. hveiti
• 120 gr. súkkulaði saxað

Sjóðið döðlur í vatni láta bíða í 5 mín. Stráið matarsódanum yfir. Maukið í matvinnsluvél eða pískið saman. Hræra smjör og púðursykur saman bæta eggjunum útí eitt í einu, hræra vel saman, bætið döðlumaukinu útí ásamt hveiti og súkkulaði, blanda vel saman.

Setjið í 180 gr. heitan ofn í ca 30 mín. Ég notaði smelluform 24cm.

Sósa

• 120 gr. smjör
• 100 gr. púðursykur
• 1/2 tsk vanilludropar
• 3/4 dl. rjómi (75ml)

Blandið öllu saman í pott og látið sjóða í 5 mín. Sósan er borin fram heit. Hægt að gera hana áður og hita svo upp áður en kakan borin fram. Nauðsynlegt að hafa ís eða rjóma með... eða bara bæði.