Marengsterta

Þessi gamla góða frá mömmu.

Marengs

• 3 eggjahvítur
• 150 g strásykur

Eggjahvítur stífþeyttar og sykri blandað varlega saman við. Búinn til kringlóttur botn með því að sprauta marengsnum á bökunarplötu með rjómasprautu. Bakað í 2 klst við 100°C neðst í ofni

Svampbotn

• 2 egg
• 70 g sykur
• 30 g hveiti
• 35 g kartöflumjöl

Egg þeytt mjög vel. Sykrinum bætt út í og þeytt vel saman. Hveiti og kartöflumjöl sigtað saman og blandað varlega samanvið með gaffli. Bakað 5 mín við 200°C og 7 mín. við 185°C næstneðst í ofni.

• 1 dós niðursoðnar ferskjur
• 1/2 l rjómi

Svampbotninn bleyttur með safanum úr dósinni. Ferskjunum raðað á botninn. Rjóminn þeyttur og helmingnum smurt ofan á ávextina. Restinni sprautað upp með hliðunum á botninum. Marengsinn settur ofan á allt saman.