Grilluð kjúklingatortilla með grænmeti

Grilluð kjúklingatortilla með grænmeti, hvítlaukssósu og rauðrófusalati. Fyrir fjóra Úr þættinum: Með okkar augum á RÚV

• 4 tortillur
• 400 gr kjúklingalundir eða bringur
• 1 rauð paprika
• 1 rauðlaukur
• 1 tómatur
• salat
• rifinn ostur

Lögur fyrir kjúkling

• ½ dl olía
• safi úr ½ sítrónu
• 2 tsk sambal olek chillimauk
• ½ tsk malað coriander
• 1 tsk turmerik
• 3 msk saxað ferskt kóriander
• 1 tsk hunang
• svartur pipar og salt

Öllu hrært saman og kjúklingurinn settur í löginn í ca 30 mínutur.

Á meðan er paprikan skorin langsum í sneiðar og laukurinn í þykkar sneiðar. Penslað með olíu og steikt á báðum hliðum á grillpönnu.

Hvítlaukssósa

• 3 msk olía
• 3 hvítlauksrif, söxuð
• ½ tsk cuminfræ
• 100 gr grísk jógúrt
• 1 bolli AB mjólk
• salt
• 2 msk fersk steinselja, fínt skorin.

Hitið olíuna í potti og steikið hvítlaukinn og cumminfræin í ca ½ mín. Kælið.

Allt hráefnið nema steinseljan sett í matvinnsluvél og blandað vel saman. Að lokum er steinseljunni bætt við.

Rauðrófusalat

• 1 rauðrófa
• 1 epli
• ¼ sítróna

Rífið niður rauðrófu og epli og kreistið sítrónusafa yfir.

Tortillurnar steiktar á annarri hliðinni á grillpönnunni og sett undir stykki til að harðni ekki.

Kjúklingurinn steiktur á grillpönnunni ca 3 mín á hvorri hlið.

Setjið sósu, grænmeti ost og kjúkling ofan á tortillu og brjótið saman eins og umslag. Tortillurnar settar aftur á grillið í ca 1 mín á hvorri hlið.