Grillaðar, kryddaðar kartöflur

• 500 g litlar kartöflur
• 1/2 dl ólífuolía
• salt
• svartur pipar

Kartöflurnar soðnar með hýði í 10 mínútur. Vatninu hellt af þeim og þær látnar kólna aðeins þannig að hægt sé að snerta þær. Skera kartöflurnar í ferninga.

Setja kartöflurnar í eldfast mót. Hella ólífuolíunni yfir kartöflurnar (má líka nota fituna af kjötinu sem verið er að steikja). Salta og setja vel af pipar og krydda svo á eftirfarandi máta eftir því með hvaða kjöti á að borða þær:

Með lambakjöti eða kjúkling

• 1 msk sesamfræ
• 1 tsk timian
• 1 tsk þurrkuð mynta
• 1 tsk broddkúmen

Með nauta- og svínakjöti

• 1 msk ferskt merian
• 1 hvítlauksrif pressað
• 5 lárviðarlauf
• 10 fersk salvíublöð

Grilla kartöflurnar í bakaraofni við 225°C þar til þær eru stökkar og brúnar.

Sem grænmetisréttur er gott að borða kartöflurnar með grískri jógúrt, nýbökuðu brauði og tómatasalati.