Indverskur karrýkjúklingur

Úr Uppskriftavefurinn
Stökkva á: flakk, leita

Þessi uppskrift er frekar mild. Ef fólk vill hafa þetta sterkara má setja meira chili eða bara chili duft.

  • ca 400-600 g af kjúklingabringum eða úrbeinuð læri (skinnlaus) skorið í strimla eða litla bita
  • 1 dós niðursoðnir tómatar
  • 3 meðalstórir laukar skornir
  • 4 hvítlauksrif (pressuð)
  • 1 msk (ca) ferskur engifer saxaður smátt (Líka hægt að fá þetta í krukku)
  • 1 heill grænn chillipipar með öllu
  • 1 dós kókosmjólk (ekki hrista dósina)
  • 2 tsk malað kúmin (cumin/cummin/broddkúmen) (ath EKKI kúmen)
  • 1 tsk turmeric
  • 2 tsk möluð kóríanderfræ
  • 1-2 kardimommur malaðar fínt
  • 2 tsk Garam Masala (tilbúin kryddblanda frá t.d. Rajah)
  • Salt
  • Fersk kóríanderlauf til skreytingar
  • Örlítið af smjöri/smjörlíki

Það er eiginlega alveg nauðsynlegt að bera þennan rétt fram með naanbrauði (önnur uppskrift) og Raitasósu.

Steikja laukinn við meðalhita á pönnu þar til hann er orðinn dökkbrúnn. Þetta tekur dálítinn tíma en er mjög mikilvægt. Laukurinn á ekki að brenna heldur að verða sætur á bragðið.

Þegar laukurinn er tilbúin er hvítlauknum og engifernum bætt út í pönnuna og hrært saman við. Þá er tómötunum og öllum kryddunum nema Garam masala bætt út í látið malla aðeins. Kjúklingnum bætt í blönduna og loka pönnunni. Látið malla þar til kjúklingurinn er soðinn í gegn. Þá er rjómanum af kóksmjólkinni bætt út í þ.e. þetta þykka sem situr eftst í dósinni og Garam masala.

Smakkað til með salti og Garam masala.


Ekki elda þetta nema örstutt eftir að búið er að setja Garam masala út í þar sem það missir annars bragð.

Rétt áður en þetta er borið fram er 2-3 litlir smjörtengingar látnir út í pönnuna og Kóríanderlaufum stráð yfir.

Borið fram með soðnum hrísgrjónum, naan og raitu og etv Mango Chutney.